What is insurance in hindi – insurance kya hota hai – types of insurance – ( complete information about insurance )

What is insurance insurance kya hai? aur ye kyo lena chahiye iske kitne types hote hai aur bhi bahot kuch aaj ham aapko iss article me insurance judi wo sabhi jankaari dene wale hai jiske bare me aapko pata nahi hai. complete information jaan ne ke liye article pura padhe to chaliye shuru karte hai.

What is insurance in hindi - insurance kya hai - types of insurance - ( complete information about insurance )
What is insurance in hindi – insurance kya hai – types of insurance – ( complete information about insurance )

What is insurance in hindi

dosto itne logo ke muh se kai saari baate suni hai gharka makan lelo flat lelo khali zameen lelo sona lelo investment ke purpose se no doubt aaj bhi log ye saari baate bolte hai. lekin pahele se ab me ek jo word hai na wo kaafi bola jata hai ki bhai kuch karo na karo lekin insurance to pakke se lelo. ab ye insurance kya hai iske bare me aaj ham janenge.

hello freinds aap sabhi ka swagat hai hamare blog Support Mera par. to dosto insurance ka matlab hota hai aane wale khatre se suraksha karna yaani apni life aur property se jude risk ko cover karne ka ek option insurance hota hai. lekin insurance kyo karvana chahiye insurance kis tarike se kaam karta hai? aur insurance kitne type ka hota hai.

types of insurance

ye sab jaan na bhi to zaruri hai. taaki aap apne zarurat ke acording sahi insurance ko chun sake. isliye aaj support mera blog iss article me ham aapke liye lekar aaye hai insurance se judi sabhi zaruri information. isliye ye article pura padhe aur dhyan se padhe.

insurance kya hai

to chaliye shuru karte hai aur sabse pahele insurance ka proper mining jaante hai.

What is insurance

Insurance proper mininginsurance ek legal agreement hai jo ki ki 2 parties ke bich hota hai insurance comapany aur insurance karvane wala vyakti. to iss agreement ke acording jab koi vyakti insurance company se apna insurance yaani ki ( बिमा ) karvata hai to future me uss vyakti ko hone wale financial loss ki bharpai insurance company karti hai. to insurance kya hota hai ye jaan ne ke baad ab jaante hai ki insurance kaam kaise karta hai.

How to work insurance

insurance agreement ke tahet insurance company ke dwara insured person ( बीमित व्यक्ति ) se ek fix amount liya jata hai jise premium kahete hai. premium lene ke baad agar uss insured person ko kisi bhi tarah ka nuksaan pahochta hai to insurance policy ki term & conditions ke hisab se uske nuksaan ki bharpai ki jaati hai. issi tarah kisi property jaise ki ghar car ka insurance karvaya gaya ho to uss chiz ke tootne ya footne jaise situation me uss property ke owner ko pahele se decide ki gayi conditions ke aadhar par Compensation ( नुकसान भरपाई ) di jaati hai.

Types of insurance

to ab ye jaan na bhi zaruri hai ki insurance kitne tarike ka hota kitne type ka hota hai.

to insurance mainly 2 tarah ka hota hai. life insurance aur general insurance lekin aaj kal insurance ke bahot se types famous ho gaye hai jaise travel insurance to chaliye ham inn sabhi types ke bare me jaante hai.

1. pahela hai life insurance to iske naam se hi aapko pata chalta hai ki insurance ka ye type insured person ke life ka insurance karta hai. yaani jo vyakti apna Bima karvata hai uski achanak death ho jaye to uski family ko company muaavza deti hai. iss life insurance ki importance tab bahot badh jaati hai jab gharke mukhya ki death ho jaye.

aur family ki financial security ka khayal rakhne wala wahi ho to aise me uss vyakti ke naa rahene par uski family ko financial support milta hai. isliye life insurance zarur karvana chahiye taaki aapke naa hone par bhi aapki family financially secure feel kare.

2. dusra aata hai general insurance. insurance ke iss type me home, vehicle, health, animals, insurance ye sabhi shamil hote hai. home insurance ki baat kare to bahot se log apne gharka ka Bima bhi karvate hai. aisa karne se unka ghar safe ho jata hai yani ki future me agar unke gharko kisi tarah ka nuksaan pahochta hai to iski bharpai insurance company se ho jati hai.

iss tarah ke insurance me aag earthquake baadh jaisi bahot si Natural Disasters ( प्राकृतिक आपदा ) se gharko hone wale nuksan shamil hote hai. iske alawa hadtaal danga chori aur aatankvad jaisi disasters ke liye bhi insurance security di jati hai.

Health Insurance

aur issi ke sath aage baat kare health insurance ki to aaj kal health problems kaafi zyada badh gayi hai. isliye health par hone wala kharch bhi kaafi zyada badh chuka hai aise me agar aap health insurance lete hai to koi bimari hone ki situation me ilaaj ka kharcha insurance company ke dwara cover kiya jata hai. insurance company ke dwara treatment me kitna cover diya jayega ye aapke dwara li gayi policy ki terms par depend karega.

yaha ye dhyan rakhna zaruri hai ki health insurance policy ka fayeda sirf unhi hospitals me milta hai jo ki iss policy se jude hote hai. iske alawa aaj kal aisi health insurance policies bhi hai jo aapki puri family ko insurance security de sakti hai. isliye aisi policy ko pravaty de.

Vehicle Insurance

aage baat karte hai motor ya car insurance ki hamare desh me vehicle ka insurance karvana compulsory hai aur aisa nahi karne par fine lagta hai. iss insurance policy ke tahet aapki vehicle yani ki chahe wo car ho ya two wheeler ya three wheeler usko hone wale nuksan ka muaavaza Bima company deti hai. agar aapke vehicle se kisi vyakti ko chhot lag gayi ho ya kisi person ki anjaane me death ho gayi ho to insurance company ke dwara aise maamlo 3rd party ke roop me cover kiya jata hai.

Crop Insurance

aage baat karte hai crop insurance aise kisan jo Agriculture loan lete hai unke liye crop insurance lena bahot zaruri hota hai. iss insurance me crop yaani ki fasal ko kisi bhi wajah se hone wale nuksan ki bharpai insurance company ke dwara ki jati hai.

Business Liability Insurance

ab aage baat karte hai business liability insurance ye insurance kisi company ke work ya uske kisi product se consumer ko hone wale nuksan ki bharpai karta hai. yani kisi company ke kaam kaaj ya uske kisi product ki wajah se agar kisi grahak ko koi haani hoti hai to aise situation me company par lagne wala jurmana aur kanooni karvaai ka sara kharcha uthane ki zimmedari uss insurance company ki hoti hai jo ki uss company ka business liability insurance karti hai.

Travel Insurance

ab aage baat karte hai travel insurance ki aaj kal travel insurance bhi kaafi chalan me hai aur ye insurance traveling ke dauran hone wale nuksan se bachav karti hai. yani agar koi vyakti jisne apna travel insurance karva rakha hai wo kaam ke sil-sile me ya ghumne ke purpose se videsh jata hai aur waha usse chhot lag jati hai ya uske samaan khone jaisi ghatna ho jati hai to iska muaavza insurance company uss vyakti ko deti hai.

iss policy ki time limit aapki journey shuru hone se lekar ke khatam hone tak ki hoti hai. iske alawa desh ke andar ki jaane wali choti badi yatrao ke liye bhi travel insurance available hoti hai.

aaj kal to aap agar applications use karte hai aur mostly cab book karne ke liye to waha bhi aapko insurance ka option dikhta hai just 1/2rs me issi ke sath hi jab aap plane se travel karte hai tobhi aapko insurance ka option dikhayi deta hai ye aapki choice hai ke aap usse select karna chahte hai ya nahi.

lekin abse aapko pata chal gaya hai ki insurance exactly kya hai iske benefits kya hai ye long-term me aapko kaise benefits de sakta hai khaas karke uss future me jiska shayad aapko pata bhi nahi hai. to khuda na kare aisa kisi ke sath kuch na ho lekin fir bhi agar aap bahot pareshan hai apne family ko lekar apne gharko lekar bahot zyada dimag me stress raheta hai to best chiz hai ki aap insurance lekar ke rakh dijiye taaki aapka ye stress khatam ho jaye.

kyo ki kuch chiz aisi hoti hai jo hamare hath me nahi hoti hai. aur agar aapko lagta hai ki aksar log aapko ye bolte rahete to i am sure aapke paas jawab hai ki aapko insurance lena hai ya nahi kyo iss article ne aapko kaafi saari informations di hai.

What is insurance in hindi


Also Read

to ye article What is insurance aapko kaisa laga comment box me type karke hame zarur bataiyye sath hi sath iss article ko apne freinds family members aur social media par zarur share kariye agar aap chahte hai ki sabko insurance lena chahiye lekin wo convince nahi ho rahe hai to aap unhe ye article zarur share kar sakte hai. – Thank You

Share on:

hello freinds mera naam zameer hai aur mai iss website ka owner hu. aapko iss blog par technical se lekar movies - web series aur knowledge sabhi tarah ke article padhne ko milenge. aur hamari koshish hai ki aapko har tarah ki knowledge de sake. hamare blog par aane ke liye aapka bahot bahot shukriya. thank you

Leave a Comment