V movie review in hindi – south national actor nani new movie ( V )

V movie review in hindi – kisi mahapurush ne zindagi ka gyan dete hue ek mazedar baat kahi thi. “aap devil ke piche devil aapke piche” to much fun bas salman bhai ki iss baat ko south industry ke logo ne kaafi seriously le liya hai. aur ek nayi kahani me nayi shakal ke sath dusra devil tayar karne ke koshish ki gayi hai. ab ye pass hue ya fail chaliye aapko aaj iss article me batata hu V movie review in hindi to chaliye shuru karte hai.

V movie review in hindi - south national actor nani new movie ( V )
V movie review in hindi – south national actor nani new movie ( V )

V movie review in hindi

hello freinds mai zameer welcome to filmi review of V. film ke darshan aapko amazon prime par ho jayenge 2 ghante 20 minute ka intezar kariye uske baad salman bhai ki nakal karne ka natija maar diya jaye ya chhod diya dono me se kya chunn na hai wo faisla aap khud kar lena.

originally film ko telugu me release kiya gaya hai lekin nahi aati hai to aap english sub-title ki help se film ke jazbaato ko samajh sakte hai. kahani ek super star cops aditya ke around likhi gayi hai jo bade bade gunde mavaliyo ki pitaai dhulai karne me kaafi mashhoor hai. aur pure shaher me unke acche kaamo ke charche aksar news paper ke front page par head-lines me padhne ko milte hai.

inki zindagi ka sabse bada challenge bankar bahar aata hai ek ajeeb sa murder case jisme ek police officer ki maut pure department ko hila kar rakh deti hai. aur laash ke sath milne wali ek chitthi case ka connection sidhe aditya se jod deti hai. tab kahani me entry hoti hai vishnu naam ke ek chalaak dimag criminal ki jisko logo ko tadpa tadpa ke maarne me unke sharir se aatma ko azaad karne me sabse zyada maza aata hai.

V movie review in hindi

kahani me twist aata hai jab vishnu pure duniya ke saamne aditya ko 5 murders karne ka challenge deta hai aur usko rokne me fail hone par aditya ko police ki uniform utaarni padegi jaisi khatarnak shart bhi rakh deta hai. kya lagta hai chor police ke khel me iss bar jeet kiski hogi? kya ek murders se shuru hua sil-sila 4 aur logo ki jaan par bhari padega.

ye vishnu aakhir hai koun aur aditya ko challenge karne ke piche iska kounsa maksad chupa hua hai. saaare jawab milenge amazon prime par. dekho agar aap salman bhai ki mashhoor film kick pahele se dekh chuke ho jo khud 2009 me release hui issi naam ki telugu film ki remake hai to fir V me aapko zyada kuch naya nahi milega.

ek shaatir psycho criminal jo ek police officer ko murder karne se pahele khullam khulla chunauti deta hai aur uss tak pahochne ki chhoti chhoti hints bhi chhodta hai. har murder ka ek dusre se connection jo last me ek bade criminal racket ke upar se parda utha deta hai. ye puri kahani aap kick me pahele hi dekh chuke ho bas dono filmo ke bich ka difference saabit hue hai natural actor Nani jo V ke andar ghuske dil ko dahelane wale murders ko anjaam de rahe hai.

ek taraf unka khoon kharabe wala shauk aapko aankhe band karne par majboor kar deta hai to dusri taraf jis tarah se unhone ek psycho criminal ke character ko kahani me zinda kar diya hai usko miss karne ki galti aapki aankhe galti se bhi nahi kar sakti. lekin unki puri mahenat par paani fer diya hai film ki kamzor aur suni sunai kahani ne jisme kuch bhi unique ya fir powerful dekhne ko nahi milta.

starting se lekar film ka climax sab kuch ekdam predictable hai isse achha to aap CID ka purana episode dobara dekh lo zyada maza ayega. upar se film me zabardasti ghusaye gaye bina matlab ke gaane aapka time west to karte hi hai sath me andar se ghussa bhi aata hai ki south industry dhire dhire bollywood ke naksh e kadam par chal kar kahi aane wale time me hamare cinema ka level niche naa karde.

sudhir babu ki performance achhi hai lekin jo ek hero ek police officer wale character me unko dhaalne ki koshish ki gayi hai wo puri tarah fail saabit hoti hai. jab aapke saamne ek hero hai to aap uske bahaduri wale kisse dekhna chahte ho lekin V me hamare hero sirf criminal ka picha karte rahete hai.

south national actor nani new movie ( V )

thodi fursat milti hai to ishq ki patang ladhane lagte hai. lekin unka asli kaam gundo ki dhunai karna wo puri tarah missing hai. to yar kam shabdo me bolu to V ek average film hai jisme aapko kuch bhi naya nahi milega zyada expectation mat rakhiyega varna aapka dil chote chote tukdo me toot kar bikhar sakta hai. bass samajh lijiye aap south ki nahi bollywood ki film dekh rahe ho.

meri taraf se V ko 5 me se 2 star ek star national actor Nani ki powerful performance ke liye half star dil ki dhadkan badhane wale khatarnak murder scenes ke liye aur half star dimag ko darane wale background music ke liye.

baat karu nagatives ki to ek star katega ghisi pithi avarege kahani ke liye ek star sudhir babu ke character ko sahi dhang se istemal na karne ke liye aur ek star kaafi dhime aur boring screen play ke liye.

V movie review in hindi

Also Read


baaki article me kuch pasand aaya ho ya fir koi shikayat karni ho to aap comment karke bata sakte hai. i hop aapko V movie explain article pasand aaya hoga aur agar ha to iss post ko apne freinds family aur social media par share karna naa bhoole – thank you

Share on:

hello freinds mera naam zameer hai aur mai iss website ka owner hu. aapko iss blog par technical se lekar movies - web series aur knowledge sabhi tarah ke article padhne ko milenge. aur hamari koshish hai ki aapko har tarah ki knowledge de sake. hamare blog par aane ke liye aapka bahot bahot shukriya. thank you

Leave a Comment