Movies - Web Series - review

Shakuntala Devi movie review in hindi – Vidya Balan new movies – ( shakuntala devi full movie explain vidya balan movies 2020 amazon prime videos )

Shakuntala Devi movie – dosto vidya balan ki new movie shakuntala devi ka review aaj ham aapko iss article me dene wale hai. lekin dosto sabse pahele aapko iss movie ke bare me jaan na bahot zaruri hai tabhi aapko ye movie clearly samajh ayegi isliye article pura padhe. to chaliye shuru karte hai.

Shakuntala Devi movie review in hindi - Vidya Balan new movies - ( shakuntala devi full movie explain vidya balan movies 2020 amazon prime videos )

Shakuntala Devi movie review in hindi – Vidya Balan new movies – ( shakuntala devi full movie explain vidya balan movies 2020 amazon prime videos )

Shakuntala Devi movie review in hindi

dosto aapse ek mazedar sawal puchu kya aapne bhoot dekha hai aap bologe aise kaise ye to sirf dimag ka bhram hai haqiqat se iska koi lena dena nahi. lekin yakin maaniye bhoot hota hai aur wo bachpan se hamare kandhe par vikram ke betaal ki tarah latak kar safar kar raha hai.

lekin ye bhoot safed saari ya fir lambe baal rakhne ka shaukin nahi hai balki ye to ek choti si kitab ki shakla me hamari zindagi me shamil ho jata hai. ji haa ye bhoot aur koi nahi balki 5 khatarnak words se banaya gaya word maths hai jiska full form mere hisab se to “meri aatma tumhe hamesha sataegi” hona chahiye. kyo ki bachpan se lekar college tak iss rakshas ne hazaro lakho bachho ko sapne me aakar khoop daraya hai.

to bas aaj is bhoot par kaabu paane wali ek super hero ke sakshat darshan karne ka mauka milega. jo meri aapki tarah Maths naam ka word sun kar ulthe paav daud nahi lagati balki maths inke charno me gir kar 100 br mattha tekta hai.

Hello freinds mai hu Zameer welcome to filmi review of Shakuntala Devi sabse pahele sabse zaruri baat film ke darshan aapko Amazon Prime par ho jayenge. bas 2 ghante ki lambi class ke baad aapke andar ghus kar baitha hua maths naam ka ye darr hamesha hamesha ke liye aapki zindagi se azaad ho jayega.

family ke sath bilkul dekh sakte ho film me aisa kuch bhi adult scene ya fir double mining language ka use nahi kiya gaya hai. jinke liye aapko aankh kaan band karne ka natak karna padhe.

Vidya Balan new movies

iss bar kahani ek choti si bachhi ke sath shuru hoti hai jo apne andar chupe hue ek ajeeb se jadu se puri tarah anjaan hai. jisme maths ka koi bhi tedha medha sawal dekhte hi jawab apne aap kuch second ke khel me uski zuban par prakat ho jata hai. ek aisa khatarnak talent jo usko chote mamuli gaao se bahar nikal kar sidha foreign me baithe hue bade bade maths ke gyani guruo ke bich me pahocha deta hai. jo shakuntala ki tarif me word dhundne ke chakkar me puri tarah hakka-bakka rahe jaate hai.

lekin asli pahechan milti hai jab duniya ke sabse tez bhagne wale computer ka muqabla shakuntala devi ke dimag ke sath hota hai. jisme dono ke jawab alag alag nikalne ke baad aakhri me jeet shakuntala ke naam likhi jaati hai. jiske baad unka naam human computer padh jata hai.

iss tarah einstein aur Aryabhata ke sath shakuntala devi ka naam bhi itihaas ke panno me darj ho jata hai jo apne andar palne wale talent ka istemal karke hamare desh ka jhanda puri duniya me sabse uncha lahera deti hai.

kahani me twist aata hai jab shahorat ki unchaiyyo par pahochne ke baad shakuntala ki zindagi me pyar naam ke word ki entry hoti hai jo dhire dhire unko maths ki kitaabo se bahar nikal kar pariwaar ki ajeebo-gareeb paheliyo ke bich lakar fasa deta hai. ek masoom se chahere wali khud ke sharir se paida hui bachhi ya fir maths ke sawalo ki duniya.

aakhir shakuntala devi ka pyar kisko apni aakhri manzil chunn ne ka faisla karega. ek insan ke dimag me aisa kya chupa hua hai jo ek World fameविश्व प्रसिद्धि ) machine ko maat dene ki taakat rakhta hai.

kya shakuntala devi waqai maths ki jaadugar hai ya fir koi dhoka hai jisko hamari aankhe pakadne me chuk gayi hai. aur sabse bada sawal iss duniya me ham janma to akele lete hai lekin jab khud se chune gaye rishto ka bojh aapke sapno par bhaari padhne lage to khud ke liye jeena ya fir pariwar ko sabse aage rakhna aapka jawab kya hoga.

tension mat lijiye shakuntala devi dekhiye maths ke sath sath zindagi naam ke subject me bhi achhe numbers se pass hone ka short-cuts mil jayega. dekho film ko dekhne ke liye sirf ek naam hi kaafi hai Vidya Balan jo iss film me apne career ki best acting performance deti hui nazar aa rahi hai.

maine shayad kabhi nahi socha tha ki Dirty Picture ka level kabhi match ho payega. lekin iss bar unhone acting ke saare records tod diye hai. unke hasne ke tarike se lekar bade bade sawalo ko dekhne ke baad unke chahere par aane wali chamak har ek chiz unke andar maujud shakuntala devi ki chikh chikh kar gawahi deti hai.

Shakuntala Devi movie review

aapne maths me science me english me PHD ke bare me zarur suna hoga. lekin iss film ko dekhne ke baad aapko yakeen ho jayega ki vidya ne shakuntala devi ke character me phd ki degree hasil karli hai aur wo bhi no.1 ki trophy ke sath. jiss tarike se wo film me pure confidence ke sath kisi aur ki zindagi ko recreate karne ka risk uthati hai wo shayad unn bollywood actress ke chahero par zordar tamache ki tarah hai.

jo 2 kaudi ke bikau awards hath me pakad kar khudko no.1 heroin samajhne ki zurrat karti hai. bhale hi shakuntala film puri tarah perfect nahi hai lekin vidya balan ki performance me ek bhi kami dhund kar nikalna 100% impossible hai.

ek aisa Exploits ( कारनामा ) jo shayad hollywood me janm leta to Oscars jaise award tak ke safar ko asaaani se pura kar leta. lekin ye bollywood hai yaha par wo bikta hai jo karodo kamata hai. wo nahi jo cinema ko badalne ki takat rakhta hai.

dosto shakantula devi ko koi maamuli padhai likhai wali boring film samajhne ki galti bilkul mat kariyega. ye film aapko maths ke alawa zindagi ke unche niche raasto wale safar par leke jayegi jiske end me aapke muhh se citi aur hath se taaliya hi baher niklegi.

freinds iss film ki jitni tarif karo kam hai. isliye aap bina time waste kiye sidha jaiyye amazon prime par iss movie ko dekhiye.

Shakuntala Devi movie review


Also Read

i hop aapko shakuntala devi movie review article pasand aya hoga aur haa to iss post ko apne family freinds aur social media par share karna naa bhoole – Thank you

About the author

Zameer Sheikh

hello freinds mera naam zameer hai aur mai iss website ka owner hu. aapko iss blog par technical se lekar movies - web series aur knowledge sabhi tarah ke article padhne ko milenge. aur hamari koshish hai ki aapko har tarah ki knowledge mil sake hamare blog par aane ke liye aapka bahot bahot shukriya. thank you

Leave a Comment