Lucifer South Indian movie full Hindi dubbed review – Learn about movies and watch online ( Best movie hindi dub of 2019 )

Lucifer South Indian movie in hindi dubbed dosto ek aisi movie jisko aap ek bar dekhna start karoge to rukne Ka naam hi nahi loge itni zabardast aur damdaar movie ke bare me batane wale hu Mai aaj aapko iss article me jiski jitni tarif Karu utni Kam hai to chaliye jaldi jaante hai iss south ke action, suspense se bhare film ke bare me – let’s start articles

Lucifer South Indian movie full Hindi dubbed review - Learn about movies and watch online ( Best movie hindi dub of 2019 )

Lucifer full Hindi dubbed movie South Indian

Release date: 28 March 2019 (India)
Director: Prithviraj Sukumaran
Box office: 200 crores INR
Producer: Antony Perumbavoor

Lucifer South Indian movie review

Cast
Prithviraj sukumaran, Mohan laal, saniya lyappan, manju warrier, Vivek Oberoi, tovino thomas, indrajit sukumaran,

Lucifer full movie watch

Politics, power, paisa, ye tino bade hi kamaal ke word hai, agar isme se ek bhi Aapke upar maherbaan ho jaaye to aap Bina sir pe taj lagaye hi Puri duniya ke raja ban jate hai, lekin aaj Mai aapko ek aise Insan se milvane wala hu jiske pas ye tino me se Kisi bhi chiz ki Kami Nahi hai, Kami hai to bas Aapke support ki q ke faltu masale ke chakkar me aap ek masterpiece film ko Puri tarah nazar-andaaz Kar baithe hai,

Dosto hazir hu mai aaj aapke liye ek special article lekar, jisme ek damdaar South Indian movie se mulakat karvane wala hu, jisko dekhne ke baad aapki tisri aankh khul jayegi, aur India me baithe-baithe hi aapko Hollywood ke darshan ho Jayenge, film Ka naam hai Lucifer Jo originally Malayalam film hai, lekin isko aap hindi Dubbing me bhi Dekh sakte hai, aur sabse kamaal ki baat ek bhi paisa kharch nahi Karna padega, yah film aapko 100% free me dekhne ko milegi,

Iss Baar kahani Kerala ki politics wali duniya ke around likhi gayi hai, jisme achanak se chief minister PK Ramdaas ki death ke baad tufan sa aa jata hai, aur har koi CM ki khali chair par baithne ke liye apne-apne daave pesh Karne lagta hai, iss case me sabse aage hai CM ki beti Priya darshani Ramdaas jo logo ki kaafi favourite hai, aur Apne tez dimaag ke liye kaafi mashhoor maani jati hai, lekin emotions ke maamle me thodi si kamzor pad jati hai,

Dusra naam hai Priya darshani ke husband Bobby Ka jinka waise to politics se koi lena-dena nahi hai, lekin ye powerful business man hai, Jo paiso ke dam pe bade bade Neta-ji ko Apne ishaare pe nachate rahete hai,

Tisra naam hai CM ke chote bete Jatin Ramdaas Ka Jo abhi tak politics ki duniya se hazaro kilometres dur Kisi dusre desh me padhai Kar rahe the lekin ab father ki death ke baad inke liye politics me entry marna kaafi zaruri ho gaya hai,

Chauthe hai CM ke sabse karibi Maane Jane wale Mahesh Varma naam ke ek dusre leader Jo politics ke duniya ke expert hai, aur situation Ka Sahi dhang se fayeda uthane me inhone PhD kar rakhi hai,

Panchve hai Stephen naam ke ek powerful Insan Jo garib logo ki help Karne ke liye aur system ke khilaaf jakar hamesha Sahi Ka sath dene ke liye kaafi mashhoor hai, Kuch log inko apna bhagwan tak mante hai, kyo ki Stephen ek NGO bhi chalate hai jaha par be-sahara logo ko rahene ke liye jagah aur pet bharne ke liye Khana ekdam free me diya jata hai,

Kahani me twist aata hai jab Kerala me politics ke bahaane drugs Jaise ghatiya dhande ki shuruwat ho jati hai aur har koi CM ki khali chair ka fayeda utha Kar masoom logo ke paiso se khilwaad Karne ki planning Karne lagta hai, tab film me entry hoti hai Abraham quraishi naam ke mysterious character ki jinko aaj tak na to Kisi ne Dekha hai aur na hi inki koi asli pahechan ke bare me jaanta hai,

Lekin media reports ki baat mane to wo Puri duniya me har chiz ko apni sharto par control karta hai, kis desh me kis party ki Sarkar banegi se lekar kounsa business man Kitna paisa kamayenga, Inn sab ma faisla Abraham quraishi ke hatho me hota hai, kya lagta hai iss bar Kerala Ka agla chief minister koun banega kya CM ke family members ko khoon ke rishte Ka fayeda milega, aur public inko khursi par bitha degi ya fir koi baher wala pure politics ke upar raaj Karne wala hai,

Aur sabse bada sawal ye Abraham quraishi aakhir hai koun aur Kerala ki politics se iska kya lena-dena hai kya waqai hakikat me illuminate jaisa concept exhaust karta hai jisme Kuch mutthi bhar log Puri duniya ko Apne ishaaro pe nachate hai ya fir ye sab Kuch मनगढ़ंत (concocted) baate hai, inn sabhi tedhe medhe sawalo Ka jawab dene Ka kaam Karti hai film Lucifer,

Dekho ye kahani sun ne me jitni simple aur sidhi sadhi si lagti hai, andar se utni hi jyada khatarnak aur chalaak hai, iss film ek chupa hua secret angle bhi hai jisko 100 me se 99 log pahechan ne se Pure tarike se chuk jayenge, ab Kuch logo ke man me ye sawal to aa raha hoga ki ye film me itna special kya hai ki Uske liye almost 3 hours ka bilidaan diya Jaye

To yar Dekho agar aap Mohan laal sir ke bare me pahele se nahi jaante  ho to aapko bata du inki filme hamesha Indian cinema ko nayi nayi uchaiyyo par lekar jaati hai, aur damdaar content ki wajah se aapka Dil jeet leti hai, Lucifer bhi ek powerful film hai jisme ek zabardast action aur khatarnak suspense Ka khel itne behtareen tarike se khela gaya hai Ke aapko Hollywood ki badi badi filme Yaad aa jayengi, aur India cinema ke liye izzat Apne aap badh jayegi.

Ab sabse zaruri sawal film ko dekhna Kaha par hai, to jawab hai YouTube jaha par film aapko Hindi dubbing me ekdam free me dekhne ko mil jayegi,

Lucifer South Indian movie in Hindi dubbed


Also read

• Best Car bike review site in india

• Property kaise beche

• College Dekho in India 

• Game khelo paisa jeeto app 

• Coronavirus whatsapp helpline number COVID-19

• Thriller Movies 

best 10 Web-series


I hop ki aapko film Lucifer Ka review achha laga Hoga aur aise hi movies ke bare me Jaan ke liye hamare website par Aate rahe, aur iss article ko Apne freinds ke sath aur social media par share zarur kare – Thank you

Share on:

hello freinds mera naam zameer hai aur mai iss website ka owner hu. aapko iss blog par technical se lekar movies - web series aur knowledge sabhi tarah ke article padhne ko milenge. aur hamari koshish hai ki aapko har tarah ki knowledge de sake. hamare blog par aane ke liye aapka bahot bahot shukriya. thank you

Leave a Comment