Lootcase movie review in hindi – kunal khemu new movies 2020 – ( kunal khemu new movie lootcase full explained in hindi )

Lootcase movie review – dosto kunal khemu ki new film lootcase 31st july ko release ho chuki hai aur aaj ham aapko iss article me film lootcase ka review dene wale hai. film dekhne se pehele agar aap yah article padh lenge na fir aapke kadam iss movie ko dekhe bina nahi rukenge. article pura padhe to chaliye shuru karte hai.

Lootcase movie review in hindi - kunal khemu new movies 2020 - ( kunal khemu new movie lootcase full explained in hindi )
Lootcase movie review in hindi – kunal khemu new movies 2020 – ( kunal khemu new movie lootcase full explained in hindi )

Lootcase movie review in hindi

dosto agar aap science padhne ke shaukin hai to jaante hi honge maachis ki tili se utne wali choti si chingari ke pas petrol ki ek bottle agar galti se gir jaye to machis ke dibbe ke sath sath pura ghar gally maholla bina diwali ke bhi phatako ki tarah dhoom dhadake ka shikar ban sakta hai.

thik ussi tarah agar kisi gareeb aadmi ke pas ek gulabi rang ka note galti se chalkar aa jaye to uski duniya hawa me udhne wale rockets se bhi zyada tez raftar se aasman ki unchaiyyo ki taraf badhne lagti hai.

bas kuch aisa hi hawa hawai kaarnaama ek mazakiya lekin damdaar film ki shakal me hamare saamne rakha gaya hai. jo ek taraf to aapko andar se gud-guda deti hai to dusri taraf chaaadar jitni lambi ho pair utne hi failaane chahiye jaise kahawat ki sikh bhi deti hai.

hello freinds mai hu Zameer Welcome to filmi review of Lootcase. sabse pahele sabse zaruri baat film ko aap HotStar par dekh sakte ho. lagbhag 2 ghante ki hawai yatra ke baad aapka plane film ke the end wale airport par land ho jayega. family ke sath bilkul dekh sakte hai tension leni wali koim baat nahi hai.

kunal khemu new movies 2020

iss bar kahani mumbai ke ek chote se chawl me rahene wale nandan kumar ke around likhi gayi hai. jo news paper printing press me choti moti job karte hai. aur gareebi ke chakkar me fasi hui mamuli si zindagi ji rahe hai. ghar par har sukh dukh me sath dene wali ek sundar sushil bivi hai jiske liye imandari wala shabd dictionary me sabse zyada mayane rakhta hai.

aur ek kalakar beta bhi hai jo bade bade sapne dekh kar apne papa se unko jhat-patt pura karne ki ummid lagata hai. din raat sharir ke ek ek hisse se puri mahenat karne ke baad jaise taise nandan ke gharka guzara chalta hai.

lekin fir waqt karvat leta hai aur nandan ki tooti footi kismat par lage hue gareebi ke taale ki chabi bankar ek laal rang ka sundar tikaau suitcase inke samne prakat ho jata hai. baher se mamuli dikhne wala ye suitcase apne andar gulabi rang ki aisi roushni chupaya hua hai jiska ujala kisi bhi insan ko sidha zameen se aasman ke par pahochaane ki taakat rakhta hai.

ji haa roushni ki kimat hai total 10 crore. kahani me twist aata hai jab iss suitcase aur fluitcase ka connection ek taqatwar aur puri duniya ko apni mutthi me qaid karne wale neta ji ke sath jud jata hai. inke ek ishare par under world don se lekar police ke sabse kaabil officers suitcase ke piche hath dhokar padh jaate hai.

aakhir suitcase me paiso ke alawa aisa kya chupa hua jiski wajah se neta ji se lekar gunde aur gundo se lekar pure kaanoon ki izzat daav par lagi hui hai. kya nandan paiso ki laalach me fass kar apne sapno ki duniya ko sachhai me badalne ka risk utha payenge ya fir bivi ke imandari aur sachhai wale raaste par chal kar 10 crore ke offer ko naa bol denge.

aur sabse bada sawal achanak se sunsan raaste par noto se bhare hue bag ka prakat hona kya waqai sirf ek nadaani ka natija hai ya fir iske piche koi dhoke wali chaal chupi hui hai jiska maksad pure shaher me khalbali machana hai. zyada dimag mat lgaiyye sare jawab mileneg film Lootcase me.

dekho sabse pahele to ek baat clear kardu lootcase wo wali film nahi hai jisme aapko pet pakad kar hasne wale chitkule ya fir mazakiya line sunne ko milenge. balki film me inteligent human ka use kiya gaya hai. jisko samajhne me thoda sa time kharch hota hai aur dimag ke ghode bhi doudane padte hai.

lekin jab paheli sulaj jaati hai to aapke dimag me hasi ke gubbare phootne lagte hai. jis tarah se kahani me politics se lekar police paisa aur under world ka tadka lagaya gaya hai wo film me har mod par naye twist & terms lata raheta hai jiski wajah se agle scene ko lekar excitement ka bulb jalta raheta hai.

kunal khemu new movie lootcase full explained in hindi

sabse achhi baat zyadatar comedy filmo ki tarah wahi ghise pite scenes daal kar hasane ki koshish nahi ki gayi jisme kisi insan ki lambai wajan ya fir uski shakal par bachkane chutkule banaye jate hai. balki lootcase me aapko nayi naveli type ki comedy ke darhsan honge jisme confusion ke raayate ko iss andaaz me failaya jata hai jis par ek kadam rakhte hi aapko fisalva kar dhadaam se niche giraane ki koshish ki jaati hai.

kis tarah se kisi middle class insan ki zindagi me paise ka achanak se chale aana apne sath pagal pan aur bewakufi bhi free me chipka kar lata hai. jisme dimag josh me hosh khokar sachhai se muh modne lagta hai. iss haqiqat ko bhi ekdam perfection ke sath screen par utara gaya hai.

film ki sabse badi strength chupi hui hai isme present kiye gaye characters me jisme ek natkhat neta ji jo power ka use karke logo ko apne hisaab se nachaate hai. ek under world don jo janwaro ke kabhi na khatma hone wale ishq me giraftaar ho chuka hai. ek corrupt police officer jiske sir par logo ke khoon se holi khelne ka bhoot sawar raheta hai.

ya fir ek aam aadmi jo paiso ki chamak dhamak ke aage bilkul andha ho jata hai. har characters ko badi baarikiyo aur sachhai se tinka tinka buna gaya hai jo film ko haqiqat ke ekdam karib laa deta hai. aisa bilkul nahi hai ki film me sirf comedy hi comedy bhari padhi hai ek romantic angle bhi daala gaya hai jisme bada sanskaari pyar darsha ne ki koshish ki gayi hai.

ek murder mystery bhi hai jiske sath film ki shuruwaat hoti hai to corruption ke kaale chahere se bhi parda hata gaya hai jisme desh ke kanoon ka remote control power ke haatho me maujud hota hai.

baat karu acting ki to film me khazana hi khazana bhara padha hai. kunal khemu film ke lead hai aur wo har mamuli scene ko apni jaandar acting ke dam par special bana dete hai. jis tarah se ek middle class aadmi ke character ko unhone puri tarah odh sa liya hai. usme kunal khemu ko dhund kar nikalna mushkil ho jata hai.

Rasika Dugal ne unka pura saath imandari se nibhaya hai aur film me pati patni aur paise wala love love triangle kahani ko assal mayane me mazedar bana deta hai jiska pura credit rasika ki comedy timing ko jana chahiye. vijay raj janwaro se apni mahobbat ko nibhate hue bar bar aapke dil ko chhu jaate hai.

dictionary me maujud kathin words ko zuban par lana ho ya fir under world don ban kar apni chele chapato par gussa barsana wo har ek ekdam perfection ke sathn pura karte hai. ranvir shorey ka role thoda chota hai lekin  unka character kahani me jaan si daal deta hai aur ek comedy film ke andar bhi thrill aur suspense ka flavour add kar deta hai.

wo jab jab screen par aate hai to aap confuse ho jaate ho pahele daru ya hasu lekin inn sabse upar asli star hai gajraj rao jinhone lootcase ki baazi ko pura ka pura apne naam kar liya hai unki chalaki se lekar mazak mazak me dhamkana har ek chiz aapke chahere par hasi ke pataake phod deti hai.

to yaar Short words me bolu to lootcase ek inteligent aur chatpati comedy film hai jo pure 2 ghante aapke dimag ko apne piche gol gol ghuma kar end me paisa aur waqt dono ka sahi use karne wala satisfaction mahesoos karaati hai. haa lekin film se hangama hera pheri type classic movies ki ummid mat lagana varna aapka dil chote chote tukdo me toot kar bikhar sakta hai.

Lootcase movie review


Also Read

to dosto ye tha film lootcase ka review i hop aapko yah article pasand aya hoga aur haa to iss post ko apne family freinds aur social media par share karna naa bhoole – Thank You

Share on:

hello freinds mera naam zameer hai aur mai iss website ka owner hu. aapko iss blog par technical se lekar movies - web series aur knowledge sabhi tarah ke article padhne ko milenge. aur hamari koshish hai ki aapko har tarah ki knowledge de sake. hamare blog par aane ke liye aapka bahot bahot shukriya. thank you

Leave a Comment