Movies - Web Series - review

Ghoomketu full movie free – Zee5 movie review (nawazuddin siddiqui new movie in hindi)

nawazuddin ki nayi film ghoomketu release ho chuki jiska review aaj ham aapko iss article dene jaa rahe hai, yah article padhne ke baad aapko film ghoomketu ki story samajh aa jayegi to chaliye shuru karte,

Ghoomketu full movie free

Ghoomketu full movie free - Zee5 movie review (nawazuddin siddiqui new movie in hindi)

Ghoomketu full movie free – Zee5 movie review (nawazuddin siddiqui new movie in hindi)

Dosto iss duniya me jine ke liye 3 chizo ko insan ki sabse badi zarurat mana jata hai roti kapda aur makaan, lekin agar Insan Mumbai pahoch Jaye to isme ek chouthi chiz aur jod lijiye struggle aur jab baat struggle ki Hoti hai, to iski bhagwan hai ye Devi jinke samne mattha tekna bahot zaruri hai, har bhagwan ko yad Karne ke liye Aarti ya fir mantra Ka sahara liya jata hai,

thik waise hi ananya devi ki pooja ke liye ek special film market me aayi hai, Jo inke struggle wale kisse ko hamare samne rakhti hai, bas is bar inki shakal aur naam dono badal gaye hai, Q ke bhagwan ki Lila to bhagwan hi samjhe kya pata wo kitne avatar le sakte hai,

Hello freinds Mai hu zameer welcome to filmy review of “Ghoomketu” sabse pahele sabse zaruri baat film ko aap Zee 5 par Dekh sakte ho, ye 100% ek family film hai, bachho se lekar bujurg tak har koi Dekh Sakta hai, total 1 ghante 40 minute ki qurbani deni padegi jiske baad Ananya Pandey ke liye aapke man me Uske liye izzat aur badh jayegi,

Zee5 movie review

Iss bar kahani Ghoomketu naam ke ek chote mote writer ke around likhi gayi hai, Jo thik Ganesh ji ki Mahabharata ki tarah ek aisi kahani likhne Ka Sapna dekhte hai Jo Puri duniya me badlaav la sake aur pidio tak inke naam Yaad Rakhe, iss sapne ko sach Karne ke liye Ghar bhaag Kar Mumbai jaane ka man banate hai aur Kisi badi Bollywood film ki kahani likhne ki talaash me idhar udhar bhagne lagte hai,

Aur Yaha se struggle shuruwat ho jati hai, bas fark itna hai ki Ananya madam ko Karan Sahab Ka student ban ne Ka mauka plate me saja Kar diya gaya tha lekin Ghoomketu edi choti ki mahenat laga Kar bhi ek plate khane ki jugaad Karne me liye dhire-dhire fail hone lagte hai, romance lekar comedy, horror se lekar, action

har type ki kahani inke dimag me ghumti raheti hai, lekin director sahab hai ki inki kahani ko kuda-kachra bata kar ghoomketu ka dil aur sapna dono tahes-nahes kar dete hai, lekin sabse kamal ke hai ghoomketu ke ghar wale jo apne aap me kisi kahani se kam nahi hai,

inki maa saman buwa ji jo dakaar lene me world record ban sakti hai, ya fir inke pita ji jo daat fatkar lagane me hitler ke bhi baap sabit hote hai, devraaj chacha ji bhi hai jo tute dil ke sath neta ban chuke hai, aur sabse mazedar hai inki patni jaanki devi jo adla-badli ke khel me ghoomketu ke gale padh gayi hai,

nawazuddin siddiqui movies

kahani me twist aata hai, jab ye ghar wale milkar police ki madad se ghoomketu ko wapis ghar laane ki tayari karte hai, inka case pahochta hai inspector badlaani ke hatho me jo ghus khane ke liye kaafi mashhoor hai, lekin aaj tak ek bhi case solve nahi kar paye hai, kya ghoomketu ko ananya pandey ki struggle ke level ko match kar payenge,

aur kisi na kisi din coffie with karan ka hissa ban jayenge, ya fir sarhad pe idhar udhar bhatakne ke baad wapis ghar laut kar meri tarah ek blogging kar-kar khidke dil ko bahela lenge, ya badlani sahab zindagi me paheli bar kisi case ko anjaam tak pahocha payenge, ya fir shikaar ke samne aane ke ba-wajood bazi inke hatho se fisal jayengi,

aur sabse zaruri sawal kya ghoomketu ki mahabharat kabhi puri ho payengi? jiska hissa unke ghar wale banenge ya fir writting ka bhoot inke sharir ko hamesha-hamesha ke liye chodh dega, inn sabhi sawalo ke jawab dene ka kaam karti hai film “ghoomketu”

dekho film ka concept kaafi alag hai, aur iske jaisi koi film aapne pahele kabhi nahi dekhi hogi, charlie chaplin ki comedy se lekar virana jaisi bhootiya filmo ke scense ko re-create karne ki koshish ki gayi hai, kahi-kahi pe majakiya oneliners aapko andar se gud-guda bhi sakte hai,

lekin jis tarike se inn sabko aapas me jod kar screen pe dikhaya gaya hai, usko dekhne ke baad aap hasi to chodiye aapko apni kismat par sirf taras aa sakta hai, kabhi achanak se flash-back ki kisse prakat ho jate hai, to kabhi manghadat ghoomketu wali kahani screen par ghumne lagti hai,

inn sabke bich me kya sach hai aur kya imagination uska pata lagane ke liye aapko cid ke daya ki zarurat padh sakti hai, upar se film ka main topic hai mumbai ka struggle lekin almost do ghante ki kahani me na to mumbai ke dhang se darshan hote hai aur struggle to bas utna hi hai jitna ananya pandey ko bistar se pair niche rakhne me karni padti hai,

Ghoomketu full movie free

iske sabse bade kasturwaar hai film ke director jinhone apne hatho se bollywood ko ek achhi khasi film dene ka mauka puri tarah gava diya hai, shayad ye khud tik tok ke kaafi bade fan honge jinhone 10-10 second ke scenes ko aapas me jod kar ek film tayar kar di hai lekin inn scense ka ek dusre se utna hi lena dena hai jitna youtube vs tik tok wale topic se hai,

lekin sabse dil dukhane wali baat ye hai ki paheli baar nawazuddin ko kisi film me acting karte hue dekh kar aap unka fan ban ne ke liye bilkul bhi majboor nahi honge, unki performance kaafi jyada averege aur kaafi jyada kaam chalau hai, uske upar se anurag kashyap ko iss film me dekh kar sirf ek baat bolunga please aap direction kariye mai aapka sabse bada fan hu,

lekin acting ka dobara naam liya to sach bata raha hu carry minati ko aapke piche laga dunga, haa lekin film ki supporting cast kaafi tagdi hai, raghuveer yadav aur ila arun ki performance aapka dil jeet legi, bich-bich me ranveer singh, sonakshi sinha, aur chitrangada singh, ke chote-chote cameo aapko bor naho hone denge, amitabh sir ke fans ke liye film ke andar ek khaas surprise chupa hua hai,

aur ye apne dam par film ki ending ko idhar se udhar ghumane ki taakat rakhte hai, to dosto kam shabdo me bolu to ghoomketu ek averege film hai jis pe aap dedh ghante kharch to kar sakte ho lekin usse achha hai aap ananya madam ka struggle wala interview dekhlo, jo moral science se bhi zyada gahera hai,

isse aapko zindagi ke licence sikha dega meri taraf se ghoomketu ko 5 me se 2 stars extra film ke uniqui aur concept ke liye aur ek star supporting cast ki performance ke liye, bat karu nagetives ki to ek star katega bahot hi kamzor kahani ke liye ek star director sahab ki bachkani harkato ke liye aur ek star music ke liye jisko sun ke bad aapko ilaaj ki zarurat padh sakti hai,



Also Read

• Thriller Movies 

• best 10 Web-series

• Lucifer South Indian movie in hindi dubbed 

• Dirilis Ertugrul Ghazi

• Thadam

• RRR

. sooryavanshi full movie


baaki article me kuch pasand aya ho ya fir koi shikayat karni ho to aap hame comment karke bata sakte hai,

i hop aapko yah ghoomketu film review pasand aya hoga agar ha to aap iss article ko share kijiye apne freinds ke sath aur social media par – Thank You

About the author

Zameer Sheikh

hello freinds mera naam zameer hai aur mai iss website ka owner hu. aapko iss blog par technical se lekar movies - web series aur knowledge sabhi tarah ke article padhne ko milenge. aur hamari koshish hai ki aapko har tarah ki knowledge mil sake hamare blog par aane ke liye aapka bahot bahot shukriya. thank you

Leave a Comment