Movies - Web Series - review

Dil Bechara movie review – dil bechara full movie explained in hindi ( dil bechara release date – tribute for sushant singh )

Dil Bechara movie review – dosto sushant singh ki new movie Dil Bechara ki kahani ko aaj ham iss article me expalain karne wale hai aur ye film aap ekdam free me apne phone se dekh sakte ha bina search kiye aur bina ek bhi paisa kharch kiye. kaise? to article padhiye sab jaan  jaaoge to chaliye shuru kartye hai.

Dil Bechara movie review

Dil Bechara movie review - dil bechara full movie explained in hindi ( tribute for sushant singh )

Dil Bechara movie review – dil bechara full movie explained in hindi ( tribute for sushant singh )

dosto bachpan me suna karte the jo duniya se chala jata hai wo aasman me jaake tara ( star ) ban jata hai. tab yakin nahi hota tha ham baato ko mazak me udha dete the. lekin ab usko jhoot maanne ka man nahi karta q ki koi apna hamse bichad kar dur aasman me chup kar 24 ghante ham par nazar rakh raha hai.

sushant singh rajput ek aisa naam jiska zikra hote hi emotions ki sunami aa jati hai. wo finally hamari zindagi me dobara shamil hone wale hai. aur sabse badhiya baat isbar unko hamse koi chhin nahi sakta.

tum duniya se mita sakte ho naam uska lekin jo dil me uspe sirf mera haq hai. hello freinds mai hu Zameer Welcome to trailer review of Dil Bechara.

sabse pahele to unke dimaag ko saaf kardu jo bina sirpare ki baate lekar maidan me kud pade hai. aur film ko copy ya fir chori ka maal bata rahe hai. kaan khol kar suno dil bechara mashhoor hollywood film the fault in our stars ki official adaptation hai.

dil bechara full movie explained in hindi

tumhari language me samjhau to film ko hindi me banane ke rights original makers se kharide gaye hai. naaki koi chor-uchhakko ki tarah besharmi se unko jaise ka taisa chaap kar paise banane ki machine lagayi gayi hai.

iss baar kahani ek atrangi jode ki hai. jisme do insaan zindagi se har second ladhai ladhte ladhte pyar jaise word se rubaru ho jate hai. wo zindagi jis se chutkaara paane ke liye dua e kiya karte the ab wo inke liye dharti pe swarg banne lagti hai. lekin jab pyar aata hai to uske ummid naam ka shabd ekdam muft me chipak kar chala aata hai.

jo ek taraf to zindagi me khushiyo ke sapne dikhata hai to dusri taraf dil tootne ka khatra bhi badh jata hai. kuch paa kar khone ka aisa darr jisme aksar dil aur dimaag be-maut hi maare jate hai.

to bas iss baar kahani zindagi aur pyar ke bich me ek racing competition ke around likhi gayi hai. jisme kiski jeet hogi kiski haar uska faisla khud waqt ke haatho me hone wala hai.

saare sapne pure honge ya fir kaanch ki tarah toot kar bikhar jayenge jawab milega 24th julay ko HotStar par jaha pe ye film har kisi ke liye ekdam free me available hogi. paise ki chinta mat kariye bas apne dil ko thoda sambhal ke rakhiyega sushant usko churane wale hai.

trailer me jis tarike se sushant ka muskurata hua chahera kisi taare ki tarah chamak raha hai wo dil bechara ko zindagi bhar naa bhulne wala experiance bana sakta hai. jis tarah se sushant ne ek mast maula zindagi ko apne ishaaro pe nachaane wala character puri tarah odh liya hai.

wo asal mayane me unki damdaar acting skill ka saboot deta hai. jiski kami hamesha hamesha ke liye bollywood ko khalti rahegi. sushant ka sath dene wali hai actress sanjana sanghi jinko aap isse pahele rock star jaisi film me child artist ki tarah dekh chuke ho.

to hindi medium me apni khoobsurti se unhone laakho dilo ko katla-e-aam kar diya tha. trailer me jis tarah se sushant aur sanjana ki bahetarin chemistry ki jhalak dekh ne ko milti hai wo saaf ishara hai ki dil bechara koi mamuli film nahi hai.

ye ek aisa kissa hone wala hai jiska sidha connection har uss insan ke sath juda hoga jo kabhi na kabhi pyar se aankhe do char kar chuka hai. lekin zindagi ki sharto se haar kar usko dil ke kisi kone me chupane ko majboor hai.

aapko bata du original film the fault in our stars ko super hit banane me uska music sabse bada expector sabit hua tha. to dil bechara bhi iss maamle me bilkul piche nahi hai. trailer ko dekh kar aap samajh hi gaye honge ki film ka music khud jadugar AR Raheman ne compose kiya hai. jo sirf apne isharo pe aapke dil ko hawa me udhane ka mazedar kaarnama karne ki taqat rakhte hai.

tayar ho jaiyye 2020 ka best music album sushant ke naam hone wala hai. film me saif ali khan bhi ek important role play karne wale hai jinka character original film ke ek sanki writer se inspired hone wala hai.

jo zindagi aur maut ke ajeeb taane vaane ko shabdo me utaar kar film ki kahani ko maamuli se khaas bana deta hai. ek khaas baat ye bhi hai ki film ke director mukesh chhabra sushant ke kaafi karibi maane jate hai aur dono ki dosti kaafi saal purani hai. isliye film me professional ke sath sath personal touch bhi dekhne ko milega.

sushant ki last film chichore jisme unhone zindagi ki kathinaiyo se ladh kar har mushkil ko dhul chataane ka messege diya tha uske baat dil bechara zindagi ko puri tarah jine ka naya andaaz sikhane ka kaam karegi.

subah se shaam shaam se raat aur raat se fir subah ham sab ek alag hi race me bhaag rahe hai jiski koi finish line hai hi nahi. school khatam to college shuru college khatam to job shuru job khatam to rishte shuru. inn sab ke bich me jo haar ne jeet ne ka maza hota hai wo puri tarah gayab ho chuka hai.

kabhi thaher kar dekhiye kisi samajhdar insan ne haste hue kaha tha ki zindagi lambi nahi badi honi chahiye. zara khud se puchiye ye wahi zindagi hai jiska sapna aapne bachpan me dekha tha. cheating bilkul nahi imandaari se jawab dijiyega.

waise cheating se yaad aya bollywood wale itna sab kuch hone ke baad bhi apni harqato se baaz nahi aaye hai. aur abhi bhi nepotism ka nasha inke sir chad kar bol raha hai.

ye HotStar jispe DIL BECHARA release hone wali hai. kuch din pahele hi inhone new movies ko launch karne ke liye ek event rakha tha.

dosto ummid karta hu Dil Bechara jaisi film pure bollywood ko aina dikhane ka kaam karegi. jisme film sachhe talent aur kahani ke dum par super hit banti hai naa ki kisi producer ke kandhe pe chadh kar filmo me entry maarne wale nepotism ke samaan se.

last me bas itna hi bolunga ki dil chota mat kariye theater nahi to mobile screen hi sahi parde ka size matter nahi karta mayane rakhta hai aap logo ka pyar jo Dil Bechara ko aasman me baithe hue sushant ke liye ek perfect tribute bana sakta hai.

Dil Bechara movie review


Also Read

baaki article me kuch pasand aya ho ya fir koi shikayat karni ho to aap hame comment box me likh kar bata sakte hai.

i hop aapko ye Dil Bechara trailer review pasand aya ho agar haa to iss article ko social media aur apne freinds ke sath zyada se zyada share kare – Thank You

About the author

Zameer Sheikh

hello freinds mera naam zameer hai aur mai iss website ka owner hu. aapko iss blog par technical se lekar movies - web series aur knowledge sabhi tarah ke article padhne ko milenge. aur hamari koshish hai ki aapko har tarah ki knowledge mil sake hamare blog par aane ke liye aapka bahot bahot shukriya. thank you

Leave a Comment