Bharat Ki Nayi National Education Policy Kya Hai – What is the new National Education Policy of India in hindi – ( NEP )

Bharat Ki Nayi National Education Policy Kya Hai – dosto agar aap students ho parents ho ya fir teacher ho aapko iss nayi education policy ke baare me zarur jaan na chahiye. aur aaj ham aapko iss article me ( What is the new National Education Policy of India ) issi ke bare me puri complete information dene wale hai post puri aur dhyan se padhe to chaliye shuru karte hai.

Bharat Ki Nayi National Education Policy Kya Hai - What is the new National Education Policy of India in hindi - ( complete information about indian education policy in hindi )
Image Source – Google. Image bye – https://youtu.be/VW3xjX4Koac

Bharat Ki Nayi National Education Policy Kya Hai

dosto agar aap bhi indian education system se kuch aise expectations rakhte aaye hai ya kuch aise ummide rakhte aaye hai jisme aap science arts aur commerce ke streams me bandhne ki bajaye apni pasand ke koi bhi subjects jaise ki ( science, commerce, arts, math, economics, english ) jaise kisi bhi streams se lekar ke padh sakte ho.

to ab aapki ye expectation ( Doctor, Engineer, Career, ) ab aapki ye ummide ye sapne pure hone wale hai. agar aapki schooling complete ho gayi ho to bhi aap college me iska benefits le sakte hai. aur agar aapki education puri ho gayi hai to bhi koi baat nahi aap nayi generation ke liye khush ho sakte hai.

jo ab school aur colleges me iss policy ke advantage le payegi iska fayeda le payegi aur iss policy ke zariye hamare desh ka educations system bhi baaki countries ki tarah kaafi broad aur advance ho jayega. iska Celebrate bhi aap kar sakte hai.

ye New Education Policy students ke interest talent aur skills par based hai. to aise me bhale hi aap students ho parents ho ya fir teacher ho aapko iss nayi education policy ke baare me zarur jaan na chahiye. taaki aap education ke iss exciting journey ke liye khud ko tayar bhi kar paaye aur updated bhi bane rahe.

isliye aaj Support Mera ke iss article me ham aapko New National Education Policy yani ki NEP se judi saari important informations dene wale hai. isliye iss article ko pura zarur padhiye.

Bharat Ki Nayi National Education Policy Kya Hai

to chaliye shuru karte hai aur sabse hamare desh ki new education policy ( नई शिक्षा नीति ) se judi kuch basic baate jaante hai.

education policy saal 2020 me aane se pahele saal 1986 me aayi thi yaani 34 saal pahele. uss samay national education policy ( राष्ट्रीय शिक्षा नीति ) banayi gayi thi iske baad national education policy me kai baar changes to hue lekin pichle 3 dashko se shiksha neeti me koi bada change nahi hua hai.

aur ab saal 2020 me 34 saal baad hamare desh bharat ki education policy me itne bade Level par badlaav hue hai ki iss nayi education policy ko revolutionary education policy bhi kaha jaa sakta hai.

new national education policy yaani NEP school me bacche ke admission se lakar college ke education complete karne tak ke process me bahot se positive aur progressive changes lekar aayi hai. iss policy ke tahet ab HRD yani Human Resource and Development Ministry ka naam badal kar Ministry of Education kardiya gaya hai.

iss new education policy me GDP ka 6% hissa education sector par kharch karne ka target bhi rakha gaya hai. filhal 4.43% budget kharch kiya jata hai. iss new education policy ke laagu hone ke baad school education ka pattern kaisa ho jayega? aaiyye isse samajhte hai.

iss policy ke aane ke baad school education ka pattern puri tarike se badal jayega. abhi tak school education 10+2 par based thi lekin ab iss naye system me education ko 5+3+3+4 stages me baant diya gaya hai.

What is the new National Education Policy of India in hindi

aaiyye ham iss stages ke bare me jaante hai.

1. Fundamental Stage

sabse pahela stage hai fundamental stage – iss stage me school ke pahele 5 saal aate hai jinme se shuruwati 3 saal bacche aangan-vadi, baal-vadi, ya pre-school me padhenge. iss dauraan unki age 3 se 6 saal tak hogi. aur agle 2 saal me bacche 1st aur 2nd class ki padhai karenge inn classes me padhne wale baccho ki age 6 se 8 saal hogi.

ye education activity based learning hogi jisme baccho me khel ke zariye nayi skills ko develop karaya jayega. iss stage par ek bada change ye dekhne ko milega ki abhi maojud pattern me aangan-vadi ya pre-school me bacche 2 saal rahete hai jabki naye pattern me ye duration 3 saal ho jayegi.

badhte hai aage dusre stage ke taraf ye hai preparatory stage.

2. Preparatory Stage

iss stage me school education ke 3 saal ayenge jinme baccha 3rd se 5th class tak padhega. aur iss dauraan uski age 8 se 11 saal tak hogi. iss stage par books par zyada zor dene ke bajaye baccho ko interactive learning aur activity based education di jayegi.

ab aage ham jaante hai 3rd stage ke baare me jo hai middle stage.

3. Middle Stage

ye stage bhi 3 saal ki hogi jisme students class 6th se 8th tak ki padhai karega. aur iss dauraan uski umra 11 se 14 saal hogi. inn classes me students ko maths, science, arts, social science, aur humanity ki education di jayegi.

jo experiment based learning hogi yani students ko kitaabe ratt kar exam pass karne ki bajaye experiments yani ki practical karke khud sikhne ka mauka milega. class 6th ki education ki baat ki jaye to isme internship bhi shamil hogi. For Example : 6th class ka students computer coding sikh sakega.

issi ke sath aage baat karte hai stage number 4 ki jise kahete hai secondary stage.

4. Secondary Stage

4 saal ki iss stage me class 9th se class 12th tak rakha gaya hai. iss dauraan students ki age 14 se 18 saal rahegi. inn classes me students par best performance ka jo pressure raheta hai wo iss nayi policy me kaafi kam ho jayega. kyo ki iss policy ke zariye students ko multi-disciplinary study ka chance mil payega.

jiske zariye students apne pasand ke subjects ko choose kar payenge aur apne interest ke subjects ko flexible study pattern ki help se padh payenge. kahene ka matlab ye ki agar students science ke sath music ki padhai karna chahta hai to wo science ke sath music subjects ko bhi le sakta hai.

iss tarah har stream me se apne Favorite subjects ko padhna possible ho jayega. iss tarike se ab aapko new education policy ka ye 5+3+3+4 pattern samajh me aa hi gaya hoga.

5 saal ki Fundamental Stage, 3 saal ki Preparatory Stage, 3 saal ki Midlle Stage, aur 4 saal ki Secondary Satge.

issi ke sath ab aage badhte hai aur samajhte hai ECCE framework bhi school education me hue changes se related hai. isliye iske bare me bhi jaan lete hai.

What is the new National Education Policy of India

ECCE Full Form

ECCE ka full form hai “Early Childhood Care and Education” isme baccho ko education dene ke sath sath unki care bhi ki jayegi. jiske liye teachers ko special training milegi. iss framework ke according 3 se 8 saal ke baccho ko 2 category me baanta gaya hai.

1st category me 3 se 6 saal tak ke bacche honge jo ECCE ke tahet education lenge. aur iske baad 8 saal ke hone tak bacche primary me padhenge jo iss framework ki secondary category hongi.

waise iss new policy me aur bhi bahot se bade changes hue hai jaise ( class 10th aur 12th ke board exam pattern me badlaav kiya jayega ) jisse students ko ratt kar exam dene ke liye coachings ke pressure me nahi padhna hoga.

ab inn exams ka pattern objective aur descriptive me badla jayega taaki students ki knowledge ka test liya jaa sake. aur unke liye board exams easy ho sake. ye exams new education policy laagu hone ke baad saal me 2 baar honge.

board exams ke liye ek naya National Assessment Center “parakh” bhi sthapit kiya jayega. kam se kam class 5th tak ke baccho ki padhai Mother toungue ( मातृ भाषा ) local language ( स्थानीय भाषा ) ya Regional Language ( क्षेत्रीय भषा ) me ho sakegi.

iss policy ke anusaar school education me artificial intelligence, design thinking, holistic health, jaise contemporary subjects bhi include kiye jayenge aur traditional indian value aur constitution value ki jankaari dene wale content ko bhi curriculum me shamil kiya jayega.

ab students school aur college me sanskrit bhaasha ko ek option ke taur par chunn sakenge. kai foreign languages ko bhi secondary education level par ek option ke roop me chuna jaa sakega, indian sign language ( ISL ) ko centrists bhi kiya jayega.

to aaiyye ab ye jaante hai ki higher education ke liye new education policy kya changes lekar aayi hai.

iss nayi policy me saal 2035 tak higher education gross enrollment ratio ko 50% tak pahochaane ka target rakha gaya hai. colleges me multiple entry aur exit ka option bhi diya jayega. ye option students ke liye bahot hi beneficial saabit ho sakega.

ham isse iss tarike se samajhte hai – under-graduate courses 3 se 4 saal ke hote hai. abhi tak ke educational system ke anusaar agar aap kisi bhi reason se course ki puri padhai nahi kar paaye aur aapko course ke pahele ya dusre saal me hi padhai chhodni padhi to aap ke liye uski value zero ho jaati hai.

lekin iss nayi policy ki help se aap apni padhai ko value dila payenge. kyo ki agar iss 3 se 4 saal ke course me aap pahele saal par padhai chhodte hai to aapko certificate milega. 2 saal tak hi padh paate hai to diploma milega. 3 saal par graduation ki degree aur 4 saal pure karne par research based graduation maani jayegi.

desh ke technical institutions me abse engineering ke sath sath arts aur humanity subjects par bhi zor diya jayega. desh ke sabhi institutes me admission ke liye ek common entrance test hoga. ye test optional hoga aur students ab regional languages me bhi online course kar sakenge.

filhaal zyadatarcourses english aur hindi language me hi available hote hai. ek national academic credit bank ( NAC-BANK ) banaya jayega jisme recognized higher education institute me padhne wale students ke academic credits bhi jama honge.

ye process automatic hoga aur students ke credits unke account me pahuch jayenge. inn credits ka istemal students kisi bhi academic program ke liye kar sakenge.

law aur medical education ko chhod kar baaki sabhi higher education ke liye higher education commission of india yani ki ( HECI ) banaya jayega jo UGC ki jagah lega. NCTE, NCERT, ki help se teachers training ke liye ek naya national curriculum structure tayar karega.

iss nayi policy ke anusaar ab padhaane ke liye minimum qualification 4 saal ka integrated B.ED.degree course hoga. hamare desh ki education ko international standard tak pahochaane ke liye top global ranking rakhne wali universities aur colleges ko bharat me apni branch kholne ki permission bhi di jayegi.

to dosto ab aapke paas New Education Policy NEP 2020 se judi saari jankaariya aa gayi hai. aur ye maana jaa raha hai ki policy bahot jaldi hi aane wale saalo me hamare education system par laagu bhi ho jayegi.

ham ummid karte hai ki ye policy jald se jald laagu ho sakegi aur isse milne wale benefits isse milne wale fayade hamare education system ko bahot unchaiyyo tak le jayenge.

Support Mera ye ummid karta hai ki ye information aapko pasand aayi hogi naye education system ke prati update kar paayi hogi aur aapke liye bahot hi helpful bhi saabit hogi. to ye information aapko kaisi lagi hame comment box me likh karke zarur bataiyye aur sath hi sath iss article ko apne freinds family aur social media par share zarur kare.

Bharat Ki Nayi National Education Policy Kya Hai


Also Read

agar aap chahte hai ki aise innovative knowledgeable helpful useful article sabse pahele aapko mile to screen par dikh rahe RED COLOR ke button ko press karke hamare blog ko abhi subscribe kare – Thank You 

Share on:

hello freinds mera naam zameer hai aur mai iss website ka owner hu. aapko iss blog par technical se lekar movies - web series aur knowledge sabhi tarah ke article padhne ko milenge. aur hamari koshish hai ki aapko har tarah ki knowledge de sake. hamare blog par aane ke liye aapka bahot bahot shukriya. thank you

Leave a Comment