Adi Purush first look poster review in hindi – Prabhas upcoming movie 2022

dosto Prabhas ki new upcoming movie aa rahi hai aadipurush aur aaj ham aapko iss article me Adi Purush first look poster review in hindi ke bare me aur iss movie ki thodi bahot story line ke bare me bhi information batane wale hai article pura padhe to chaliye shuru karte hai aur jante hai iss movie ke bare me.

Adi Purush first look poster review in hindi - Prabhas upcoming movie 2022
Adi Purush first look poster review in hindi – Prabhas upcoming movie 2022

Adi Purush first look poster review in hindi

dosto agar mai aapse puchu ki wo kounsa sawal hai jisne bade bade genius vidvaano ke chhakke chuda diye nahi “rasode me koun tha” nahi aaj tak ka sabse tedhe medha mashhoor sawal ye hai ki “akal badi ya bhais“. mujhse personally puchenge to ye sawal hi galat hai. kyo ki inn dono se kai guna badi hoti hai izzat.

ek aisa word jiski raksha karne ke liye insaan zindagi maut ki baazi haste khelte hue laga jata hai. “pran jaye par vachan na jaaye” suna hoga aapne uske piche bhi izaat wala formula hai. lekin izzat ko thokar lagne par kis tarah insaan pagalpan ke nashe me chur hokar khoon me sani hui badle ki dastaan likh baithta hai uska sabse bada udahaaran hai ek aisa raja jiske paas tez dimag aur dhan-daulat ki koi kami nahi thi.

Prabhas upcoming movie 2022

lekin badle ki aag ne uski puri lanka ko jala ke raakh kar diya. mai baat kar raha hu lanka ke lankesh urf Ravan ki jiske paap me lipte hue buraiyyo ke kisse sunkar hamne bachpan me sahi aur galat ke bich me fark karna sikha tha.

jung wahi purani hai ayodhyapati sri ram ek bar firse badle ki kasam me andhe hue lanka ke raja ravan ke khilaf yuddh chhedne wale hai. jeet kiski hogi ye jawab bhale hi hame pahele se pata hai lekin jab hero aur villain dono takkar ke hote hai to film ki aakhri manzil se zyada maza ustak pahochne wale safar me aata hai.

film ka naam hai Adipurush jiska announcement kuch din pahele hi iske lead actor Prabhas aur director Om Raut ne ek sath milkar kiya tha. ab iss jodi ko teegdi banane ka waqt aa gaya hai kyo ki Tanhaji ke khilaf talwar chalane wale Saif ali Khan ki film me entry ho chuki hai. saif film me villain ka role play karte hue nazar ayenge jo Ramayana ki kahani me burai ka History likhne wale ravan ke badle aur ghamand se inspired hoga.

yakin maaniye jab prabhas aur saif ka film me aamna-saamna hoga to uss waqt screen par itne zyada patakhe chalne wale hai jiska shor bollywood to chhodiye sidha hollywood ko bhi nind se jagane ki taqat rakhta hai. dekho jab film me aapke paas om raut jaise director maujud ho jo historical movies ko bina kisi milavat ke jaise ka taisa screen par utaarne me ekdam expert maane jate hai.

to fir sochiye Ramayana jaise epic ko nayi technology ki madad se wo kis level tak pahocha sakte hai jaha par adipurush sirf ek film nahi balki zindagi bhar naa bhoolne wala experience ban sakti hai. upar se jab film ke centre me south industry ke darling prabhas ho jo Baahubali ban ke ek bar pahele bhi puri duniya par raaj kar chuke hai.

to iss bar adipurush sriram ke character me unko dekhna kisi sapne se kam nahi hone wala hai. film ke pahele poster se hi ye baat saaf ho gayi thi ki adipurush aaj tak ke sabse mahange budget ki indian film hone wali hai. jisko 100% 3D experience me shoot kiya jayega. matlab iss baar lanka ki ladhai me aap bhi screen ke andar hath daalkar talwaar utha sakte ho.

ab dekhna sabse zyada interesting hoga film me prabhas ke opposite sita maa ke character ke liye kis actress ko chuna jata hai. jinki wajah se Ramayana ek pati patni ke aakhri saans tak chalne wale atoot rishte ki gawah ban gayi thi. aur ham sab ke pyare dulare mahabali hanuman bankar sriram ko unki manzil tak pahuchane wale powerful role me kis actor ko chuna jata hai. iss sawal ka jawab milna abhi baaki hai.

to bas tayar ho jaiyye 2022 me ek aisa zordaar dhamaka hone wala hai jisme adipurush aur lankesh ki historical battle ke darshan karne ka mauka milega. ek aisa adbhut kaarnama jo sidha hollywood ki raaj-gaddi ki zameen hilaane wala hai. Tanhaji wala movement yad hai na jab garv se chhati choudi ho gayi thi usko ek bar firse jine ki tayari kar lijiye.

Adi Purush first look poster review in hindi


Also Read


baaki Article me kuch pasand aya ho aur aaapki kya raay hai iss upcoming prabhas ki movie Adipurush ke bare me hame comment karke zarur bataiyyega aur iss post ko apne freinds family social media par zyada se zyada share zarur kariye – Thank You Bye Bye

Share on:

hello freinds mera naam zameer hai aur mai iss website ka owner hu. aapko iss blog par technical se lekar movies - web series aur knowledge sabhi tarah ke article padhne ko milenge. aur hamari koshish hai ki aapko har tarah ki knowledge de sake. hamare blog par aane ke liye aapka bahot bahot shukriya. thank you

Leave a Comment