Aashram full web series review in hindi – New bobby deol web series aashram 2020 – ( baba nirala kashipur wala )

Aashram full web series review in hindi – dosto iss post ko padhne ke baad aap Aashram web series ki puri story jaan jaaoge ki iss bobby deol ki web series me kya story hai aur apna samay barbad hone se bhi bach jaaoge to chaliye jaante hai ki ye web series kitni damdaar hai let’s start article.

Aashram full web series review in hindi - New bobby deol web series aashram 2020 - ( baba nirala kashipur wala )
Aashram full web series review in hindi – New bobby deol web series aashram 2020 – ( baba nirala kashipur wala )

Aashram full web series review in hindi

dosto zara soch ke dekhiye aap ek train ka ticket book karo aur uske andar baith kar apni pasand ki jagah par pahochne ke suhaane sapne dekhne lago. ab gaadi chali to time se thi lekin jis station par aapko utarna tha wo aake hi nahi dera 5 ghanta late 10 ghanta late 1 din 2 din aur aapko train se utarne ka mauka hi nahi milta.

ab aap kya karoge chalang maaroge to maut milegi andar baithe rahoge to budhapa aapko dhire dhire nigal jayega. kuch aisa hi haadsa kal raat mere sath hua hai kyo ki ticket ke paise to maine pure diye the lekin train ke safar ki aakhri manzil ka didar shayad iss janam me mujhe naseeb nahi hone wala hai.

New bobby deol web series aashram 2020

hello freinds mai hu zameer welcome to filmi review of aashram. sabse pahele sabse zaruri baat show ke darshan aapko MX Player par ho jayenge ek paisa bhi kharch nahi karna padega iss rel-gaadee ka safar ekdam muft hai. total 9 episodes hai jo 40/45 minute lambe hai matlab 7 ghante train ki jhuk-jhuk ka pura maza uthaiyye khana wagera sath leke jana.

aur haa iss trip par akele hi jana pariwar ke sath bilkul nahi jana hai kyo ki show me kaan par hath rakhne ko majboor karne wali galiyo ke sath atrangi adult scenes bhi daale gaye hai jo aapke chahere par jhalakne wali sharafat ko badnaam kar sakte hai.

Aashram full web series review in hindi

kahani kashipur me shuru hoti hai jaha par baba nirala naam ke ek maha-purush urf sant maharaj gareeb aur majboor logo ke Deliverance ki nayi misaal kayam kar rahe hai. zamane ne sataya ho ya fir sharirik samasyae baba ke paas har taklif ka samadhan maujud hai. jaat paat se lekar ameeri gareebi ka fark mitana ho ya fir makkar police ko kisi case ki jaanch padtaal karne ke liye fatkaar lagana ye saare karname baba ke by hath ka khel hai.

unka rutba kuch iss qadar hai ki bade bade safed topi wale neta ji bhi khud ko baba ke charno me sir tekne se rok nahi paate hai. aur piche se hi sahi pure shaher ki raajneeti baba ki ungliyo ki katputli ban chuki hai. kahani me twist aata hai jab power aur shohrat ki unchaiyyo ki taraf badhte hue baba ki tezz raftar kuch logo ke aankho me khatakne lagti hai. aur unka zarurat se zyada bhalai ka devta banne ka shauk sach aur jhoot ka fark lag-bhag mita sa deta hai.

baba nirala kashipur wala

kya sachme baba nirana kashipur wala dharti par maujud bhagwan ka roop hai jo logo ki bhalai ka zimma apne matthe lena chahte hai ya fir parde ke piche ek socha samjha shadyantra hai jis se puri duniya anjaan hai.

aakhir baba ke paas me aisa kya hua hai jo aaj bhi unke sapne me bhoot bankar unki nind udha raha hai. ladkiyo ki gum-shudgi aur ek sadi purani laash ka baba se kya connection hai aur sabse bada sawal kya kanoon ke hath lambe hote hai jaise kahawat sachhai me badlegi ya fir paisa aur power ke wajan ke niche dapkar pura system zindagi bhar baba ki ghulami karega. saare jawab milenge MX Player par.

andh-vishwas me lapet kar logo ko murkhta ka paath padhana koi nayi baat nayi nahi hai har dusre gali me jhola-chap lekin dimag ka shaatir chor-uchakka ghumta raheta hai. jo sharir par bhagwan ka naam likhva kar aapko emotionally blackmail karne ki jitod koshish karta hai.

bas issi gali mohalle se uthaye gaye realistic aur damdaar content ko aashram ki shakal me aapke samne rakha gaya hai jiske andar aapko kuch assal zindagi ke Gross hypocrites ( धुर पाखंडियो ) ke chahere bhi nazar aa sakte hai. lekin jis tarike se show ko 7/8 ghante lamba khincha gaya hai wo aapke dimag ko koma me pahuchane ki taaqat rakhta hai.

are bhai 7 ghante ka intezar karne ke baad bhi show ki suee (Needle) ending ki taraf naa ghum kar part 2 ka ishara kar de to dimag ka jhopda ho jata hai. matlab be-faltu hi achhi khaasi kahani ko rubber band ki tarah lamba khincha gaya hai aur jab aap hath hatane ki koshish karte hai to wo wapis palat kar aapko zakhmi kar skti hai.

Aashram full web series review in hindi

bobby deol ne apne career ki sabse mazboot performance ka namuna pesh kiya hai jisme ek chalaak dimag lomdi aur bholi surat wala sant dono character ekdam sachhai ke sath screen par utaare gaye hai.

baariki aur mahenat se tayar kiye gaye unke smart looks me aap kahi goom se ho jaate ho aur unki mithi mithi baato me fas kar show se baher nikalne ka rasta puri tarah bhool sa jaate ho.

Chandan Roy Aditi Sudhir Tridha Choudhury aur Tushar Pandey ke roles bhi kaafi powerful aur asardaar hai jinke characters ke sath jude hue mazedar twist and turn show ko assal mayane me interesting banane ka kaam karte hai. lekin sabse bade suprise saabit hote hai darshan kumar jo ek police officer ke kirdaar me puri tarah dhal se gaye hai aur jab jab wo screen par aate hai to kahani ka level apne aap upar ho jata hai.

to yar kam shabdo me bolu to aashram ek nayi aur damdaar web series zarur hai jisme real life se uthaye gaye dil dahelaane wale incident se rubaroo hone ka mauka milega. lekin 9 lambe episodes ke baad bhi kahani aapko aakhri manzil tak nahi pahochaegi jiske baad gusse se chahera sujh kar laal padhna 100% nishchit hai aur samay ki barbaadi kis chidiya ka naam hai wo bahetarin tarike se samajh jayenge.

MX Player Web Series

Aashram full web series review in hindi


Also Read

i hop aapko aashram full web series review in hindi wali ye post pasand aayi hogi jisme hamne aapko aashram web series ki full story explain karke bataya. baaki article me kuch pasand aaya ho ya fir kuch bolna ho to hame comment karke zarur bata sakte hai aur dosto iss post ko apne freinds family aur social media par share karna naa bhoole – Thank You

Share on:

hello freinds mera naam zameer hai aur mai iss website ka owner hu. aapko iss blog par technical se lekar movies - web series aur knowledge sabhi tarah ke article padhne ko milenge. aur hamari koshish hai ki aapko har tarah ki knowledge de sake. hamare blog par aane ke liye aapka bahot bahot shukriya. thank you

Leave a Comment